Banzembo 54

¹ Nzembo ya Davidi. Wuta na buku ya mokambi ya bayembi.

² Eyembamaki na lindanda tango bato ya Zifi bayaki koyebisa Saulo : « Davidi abombami kati na biso. »

³ Oh Nzambe, bikisa ngai na nzela ya Kombo na Yo, longisa ngai na nzela ya nguya na Yo.

⁴ Oh Nzambe, yoka libondeli na ngai, yoka maloba ya monoko na ngai.

⁵ Bapaya batelemi mpo na kobundisa ngai ; mpe bato na kanza bazali koluka koboma ngai, batalelaka Nzambe te.

⁶ Tala, Nzambe azali lisungi na ngai, Nkolo azali eyekamelo na ngai.

⁷ Tika ete akweyisela bayini na ngai mabe ! Kati na boyengebene na Yo, bebisa bango.

⁸ Nakobonzela Yo mbeka na motema malamu, nakokumisa Kombo na Yo, Oh Yawe, pamba te ozali malamu.

⁹ Okangoli ngai na pasi nyonso ; mpe miso na ngai etali lokola molongi ya banguna na ngai.

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.