Zabbuli 121

¹ Nnyimusa amaaso gange eri ensozi, okubeerwa kwange kuva wa?

² Okubeerwa kwange kuva eri Mukama, eyakola eggulu n’ensi.

³ Taliganya kigere kyo kusagaasagana; oyo akukuuma taabongootenga.

⁴ Laba, oyo akuuma Isirayiri taabongootenga so teyeebakenga.

⁵ Mukama ye mukuumi wo; Mukama y’akusiikiriza ku mukono gwo ogwa ddyo;

⁶ emisana enjuba teekwokyenga, wadde omwezi ekiro.

⁷ Mukama anaakukuumanga mu buli kabi; anaalabiriranga obulamu bwo.

⁸ Mukama anaakukumanga amagenda go n’amadda, okuva leero n’okutuusa emirembe gyonna.

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.