Zabbuli 124

¹ Isirayiri agamba nti, singa Katonda teyali ku ludda lwaffe,

² singa Katonda teyali ku ludda lwaffe abalabe baffe bwe baatulumba,

³ banditusaanyizzaawo mu kaseera buseera, obusungu bwabwe bwe bwatubuubuukirako.

⁴ Amataba g’obusungu bwabwe ganditusaanyizzaawo, ne mukoka n’atukulukutirako;

⁵ amazzi ag’obusungu bwabwe agayira ganditukuluggusizza.

⁶ Mukama atenderezebwe atatugabuddeeyo ne tutaagulwataagulwa amannyo gaabwe.

⁷ Tuwonye ng’ekinyonyi bwe kiva ku mutego gw’abatezi; omutego gukutuse, naffe tuwonye!

⁸ Okubeerwa kwaffe kuli mu linnya lya Mukama, eyakola eggulu n’ensi.

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.