Zabbuli 126

¹ Mukama bwe yakomyawo abawaŋŋanguse ba Sayuuni, twafaanana ng’abaloota.

² Olwo akamwa kaffe ne kajjula enseko, ne nnimi zaffe ne ziyimba ennyimba ez’essanyu. Amawanga ne gagamba nti, “ Mukama abakoledde ebikulu.”

³ Mukama atukoledde ebikulu, kyetuvudde tusanyuka.

⁴ Otuzze obuggya, Ayi Mukama, tufaanane ng’emigga egikulukutira mu lusenyi.

⁵ Abo abasiga nga bakaaba amaziga, baliyimba ennyimba ez’essanyu nga bakungula.

⁶ Oyo agenda ng’akaaba ng’atwala ensigo okusiga; alikomawo ng’ayimba ennyimba ez’essanyu ng’aleeta ebinywa bye.

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.