Zabbuli 128

¹ Balina omukisa abatya Katonda; era abatambulira mu makubo ge.

² Olirya ebibala ebiriva mu kutegana kwo; oliweebwa emikisa era olifuna ebirungi.

³ Mu nnyumba yo, mukyala wo aliba ng’omuzabbibu ogubala ennyo; abaana bo aboobulenzi baliba ng’amatabi g’emizeeyituuni nga beetoolodde emmeeza yo.

⁴ Bw’atyo bw’aweebwa emikisa omuntu atya Mukama.

⁵ Mukama akuwenga omukisa ng’asinziira mu Sayuuni, era olabe Yerusaalemi nga kijjudde ebirungi ennaku zonna ez’obulamu bwo.

⁶ Owangaale olabe abaana b’abaana bo! Emirembe gibeere mu Isirayiri.

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.