Zabbuli 130

¹ Ayi Mukama, nkukaabira nga nsobeddwa nnyo.

² Ayi Mukama, wulira eddoboozi lyange; otege amatu go eri eddoboozi ly’okwegayirira kwange.

³ Ayi Mukama, singa otubalira obutali butuukirivu bwaffe, ani eyandiyimiridde mu maaso go?

⁴ Naye osonyiwa; noolwekyo ossibwamu ekitiibwa.

⁵ Nnindirira Mukama, emmeeme yange erindirira era essuubi lyange liri mu kigambo kye.

⁶ Emmeeme yange erindirira Mukama; mmulindirira okusinga ng’abakuumi bwe balindirira obudde okukya; okusingira ddala ng’abakuumi bwe balindirira obudde okukya.

⁷ Ayi Isirayiri, weesigenga Mukama, kubanga Mukama y’alina okwagala okutaggwaawo; era y’alina okununula okutuukiridde.

⁸ Mukama y’alinunula Isirayiri n’amuggya mu byonoono bye byonna.

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.