Zabbuli 54

¹ Olw’erinnya lyo ondokole, Ayi Katonda, n’amaanyi go amangi onzigyeko omusango.

² Wulira okusaba kwange, Ayi Katonda, owulirize ebigambo by’omu kamwa kange.

³ Abantu be simanyi bannumba; abantu abalina ettima abatatya Katonda; bannoonya okunzita.

⁴ Laba, Katonda ye mubeezi wange, Mukama ye mukuumi wange.

⁵ Leka ebintu ebibi byonna bye bantegekera, bibeekyusize, obazikirize olw’obwesigwa bwo.

⁶ Nnaakuleeteranga ssaddaaka ey’ekyeyagalire; ne ntendereza erinnya lyo, Ayi Mukama, kubanga ddungi.

⁷ Kubanga Katonda amponyezza ebizibu byange byonna; era amaaso gange galabye ng’awangula abalabe bange.

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.