Zabbuli 67

¹ Ayi Katonda tukwatirwe ekisa, otuwe omukisa, era otwakize amaaso go.

² Ekkubo lyo limanyibwe mu nsi, n’obulokozi bwo mu mawanga gonna.

³ Abantu bakutenderezenga, Ayi Katonda, abantu bonna bakutenderezenga.

⁴ Amawanga gonna gasanyuke, gayimbe nga gajjudde essanyu. Kubanga ofuga abantu bonna mu bwenkanya, n’oluŋŋamya amawanga ag’ensi.

⁵ Abantu bakutenderezenga, Ayi Katonda, abantu bonna bakutenderezenga.

⁶ Ensi erireeta amakungula gaayo; era Katonda, Katonda waffe, anaatuwanga omukisa.

⁷ Katonda anaatuwanga omukisa; n’enkomerero z’ensi zinaamutyanga.

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.