Zaburi 1

¹ Amebarikiwa mtu yule asiye enenda katika ushauri wa waovu, au kusimama katika njia ya wenye dhambi, au kukaa katika kusanyiko la wenye mizaha.

² Bali yeye huifurahia sheria ya Yahwe, na huitafakari sheria yake mchana na usiku.

³ Atakuwa kama mti uliopandwa karibu na mkondo wa maji ambao huzaa matunda yake kwa majira yake, ambao majani yake hayakauki; lolote afanyalo litafanikiwa.

⁴ Waovu hawako hivyo, wao badala yake ni kama makapi yapeperushwayo na upepo.

⁵ Kwa hivyo waovu hawatasimama katika hukumu, wala wenye dhambi katika kusanyiko la wenye haki.

⁶ Kwa kuwa Yahweh huikubali njia ya wenye haki, njia ya waovu itaangamizwa.

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.