Zaburi 112

¹ Msifuni Yahwe. Amebarikiwa mtu yule anaye mtii Yahwe, apendezwaye sana na amri zake.

² Kizazi chake kitakuwa ni chenye nguvu duniani; kizazi cha mcha Mungu kitabarikiwa.

³ Nyumbani mwake mna utajiri na mali; na haki yake itadumu milele.

⁴ Nuru huangazia gizani kwa ajili ya mtu mcha Mungu; yeye ni wa fadhili, huruma, na haki.

⁵ Heri atendaye fadhili na kukopesha, afanyaye mambo yake kwa uaminifu.

⁶ Kwa maana hataondoshwa kamwe; mwenye haki atakumbukwa milele.

⁷ Haogopi habari mbaya; ni jasiri, akimtumainia Yahwe.

⁸ Moyo wake ni mtulivu, hana woga, mpaka aonapo ushindi dhidi ya watesi wake.

⁹ Huwapa masikini kwa ukarimu; haki yake yadumu milele; atainuliwa kwa heshima.

¹⁰ Mtu mwovu ataona haya na kukasirika; atasaga meno yake na kuyeyuka; tamaa ya wasio haki itapotea.

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.