Zaburi 124

¹ “Kama Yahwe asingekuwa upande wetu,” Israeli na aseme sasa,

² “Kama asingekuwa Yahwe ambaye alikuwa upande wetu wakati watu walipoinuka dhidi yetu,

³ basi wangekuwa wametumeza tungali hai hasira yao lipozidi dhidi yetu.

⁴ Maji yangetugharikisha; mto ungetuzidia.

⁵ Kisha maji yafurikayo yangetuzamisha.”

⁶ Atukuzwe Yahwe, ambaye hajaruhusu tuwe mawindo kwa meno yao.

⁷ Tumetoroka kama ndege mtegoni mwa wawindaji; mtego umevunjika, nasi tumetoroka.

⁸ Msaada wetu uko katika Yahwe, aliyeziumba mbingu na nchi.

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.