Zaburi 126

¹ Bwana alipowarejesha mateka wa Sayuni, tulikuwa kama waotao ndoto.

² Vinywa vyetu vilijawa na vicheko na ndimi zetu zilijawa na kuimba. Kisha wakasema kati ya mataifa, “Yahwe amewatendea mambo makuu.”

³ Yahwe alitufanyia mambo makuu; ni furaha gani tuliyokuwa nayo!

⁴ Ee Yahwe, uwarejeshe mateka wetu, kama vijito vya kusini.

⁵ Wale wapandao kwa machozi watavuna kwa kelele za furaha.

⁶ Yeye aendaye akilia, akibeba mbegu kwa ajili a kupanda, atarudi tena kwa kelele za furaha, akileta miganda yake.

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.