Zaburi 29

¹ Mpeni sifa Yahwe, enyi wana wa Mungu! Mpeni sifa Yahwe kwa ajili ya utukufu wake na nguvu.

² Mpeni Yahwe utukufu ambao jina lake linastahili. Mpigieni magoti Yahwe katika mapambo ya utakatifu.

³ Sauti ya Yahwe imesikika zaidi ya maji; Mungu wa radi ya utukufu, radi yaYahwe i juu ya maji mengi.

⁴ Sauti ya Yahwe ina nguvu; sauti ya Yahwe ni kuu.

⁵ Sauti ya Yahwe huivunja mierezi; Yahwe huivunja vipande vipande mierezi ya Lebanon.

⁶ Yeye huifanya Lebanoni kuruka kama ndama wa ng'ombe na Sirioni kama mwana wa nyati.

⁷ Sauti ya Yahwe hutoa miale ya moto.

⁸ Sauti ya Yahwe hutetemesha Jangwa; Yahwe hutetemesha jangwa la Kadeshi.

⁹ Sauti ya Yahwe huufanya miti mikubwa kutikisika na huipukutisha misitu. Kila mmoja katika hekalu lake husema, “Utukufu!”

¹⁰ Yahwe hukaa kama mfalme juu ya mafuriko; Yahwe hukaa kama mfalme milele.

¹¹ Yahwe huwatia nguvu watu wake; Yahwe huwa bariki watu wake na amani.

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.