Zaburi 47

¹ Pigeni makofi, enyi watu wote; mpigieni Mungu kelele za ushindi.

² Kwa maana Yahwe Aliye Juu anatisha; ni Mfalme mkuu dunia yote.

³ Yeye anawatiisha chini yetu na mataifa chini ya miguu yetu.

⁴ Yeye huchagua urithi kwa ajili yetu, utukufu wa Yakobo ambaye alimpenda. Serah

⁵ Mungu ameinuliwa juu kwa shangwe, Kwa mbiu ya shangwe Yahwe yu juu.

⁶ Mwimbieni Mungu sifa, imbeni sifa; mwimbieni sifa Mfalme wetu, imbeni sifa.

⁷ Kwa maana Mungu ni Mfalme duniani kote; mwimbieni mkiwa na uelewa.

⁸ Mungu anatawala mataifa yote; Mungu hukaa kwenye kiti cha enzi.

⁹ Wakuu wa watu wamekusanyika pamoja kwa watu wa Mungu wa Ibrahimu; kwa kuwa ngao za duniani ni za Mungu; yeye ameinuliwa juu sana.

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.