Zaburi 54

¹ Uniokoe, Mungu, kwa jina lako, na kwa nguvu zako unihukumu.

² Usikie maombi yangu, Mungu; uyategee sikio maneno ya mdomo wangu.

³ Kwa maana wageni wameinuka dhidi yangu, na watu wasio na huruma wanaitafuta roho yangu; nao hawakumuweka Mungu mbele yao. Selah

⁴ Tazama, Mungu ni msaidizi wangu; Bwana ndiye anisaidiaye.

⁵ Naye atawalipizia uovu maadui zangu; katika uaminifu wako, uwaharibu!

⁶ Nitakutolea dhabihu kwa moyo mkunjufu; nitalishukuru jina lako, Yahwe, kwa maana ni jema.

⁷ Kwa kuwa yeye ameniokoa katika kila shida; macho yangu yamewatazama adui zangu yakiwa na ushindi.

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.