Zaburi 58

¹ Je, ninyi watawala mnaongea haki? Mnahukumu kwa haki, ninyi watu?

² Hapana, mnafanya uovu mioyoni mwenu; munaeneza vurugu nchi yote kwa mikono yenu.

³ Waovu huenenda katika upotovu hata walipokuwa tumboni; wao wanaenenda katika upotovu tangu kuzaliwa, wakiongea uongo.

⁴ Sumu yao ni kama sumu ya nyoka; wako kama fira kiziwi azibaye masikio yake,

⁵ ambaye hasikilizi sauti ya waganga, haijalishi ustadi walio nao.

⁶ Vunja meno yao midomoni mwao, Mungu; uyatoe meno ya mwana simba, Yahwe.

⁷ Wayeyuke kama maporomoko ya maji; wafyatuapo mishale yao, iwe kama haina ncha.

⁸ Wawe kama konokono ambaye huyeyuka na kutoweka, kama mtoto aliye zaliwa kabla ya wakati ambaye hakuona jua.

⁹ Kabla ya vyungu vyenu kupata joto la kuungua kwa miiba, yeye ataviondosha kwa upepo mkali, miiba ya kijani yote na ile inayoungua.

¹⁰ Mwenye haki atafurahia atakapoona kisasi cha Mungu; ataiosha miguu yake kwenye damu ya waovu,

¹¹ hivyo watu watasema, “Hakika kuna tuzo kwa ajili ya mtu wenye haki; hakika kuna Mungu ahukumuye ulimwengu.”

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.