Zaburi 82

¹ Mungu amesimama katika kusanyiko la mbinguni; katikati ya miungu anahukumu.

² Hata lini mtahukumu bila haki na kuonesha upendeleo kwa waovu? Selah

³ Wateteeni maskini na yatima; dumisheni haki kwa aliyetaabishwa na fukara.

⁴ Muokoeni maskini na muhitaji; watoeni mkononi mwa waovu.

⁵ Hawajui wala hawaelewi; hutembea gizani; misingi yote ya nchi imebomoka.

⁶ Mimi nilisema, “Ninyi ni miungu, na ninyi nyote wana wa Mungu aliye Juu.

⁷ Hata hivyo mtakufa kama wanadamu na mtaanguka kama mmoja wa wakuu.”

⁸ Uinuke, Ee Mungu, uihukumu nchi, maana unaurithi katika mataifa yote.

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.