Zaburi 121

¹ Nitayainua macho yangu nitazame milimani. Msaada wangu utatoka wapi?

² Msaada wangu unatoka kwa Yahwe, aliyezifanya mbingu na nchi.

³ Hatauacha mguu wako uteleze; yeye akulindaye hatasinzia.

⁴ Tazama, mlinzi wa Israeli hatasinzia wala hatalala usingizi kamwe.

⁵ Yahwe ni mlinzi wako; Yahwe ni uvuli mkono wako wa kuume.

⁶ Jua halitakudhuru wakati wa mchana, wala mwezi wakati wa usiku.

⁷ Yahwe atakulinda na madhara yote, na ataulinda uhai wako.

⁸ Yahwe atakulinda katika yote ufanyayo sasa na hata milele.

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.