Zaburi 122

¹ Nilifurahi waliponiambia, “Na twende kwenye Nyumba ya Yahwe.”

² Ee Yerusalemu, miguu yetu imesimama ndani ya malango yako!

³ Ee Yerusalemu, uliojengwa kama mji uliopangiliwa kwa umakini!

⁴ Makabila huenda juu Yerusalemu, makabila ya Yahwe; kama ushuhuda wa Israeli, kulishukuru jina la Yahwe.

⁵ Huko viliwekwa viti vya hukumu, viti vya enzi vya nyumba ya Daudi.

⁶ Ombeni kwa ajili ya amani ya Yerusalemu! “Wote wakupendao wawe na amani.

⁷ Amani iwepo ndani ya kuta zako ili ikutetee, na wawe na amani ndani ya ngome zako.”

⁸ Kwa ajili ya ndugu zangu na rafiki zangu nitasema, “Amani iwe ndani yenu.”

⁹ Kwa ajili ya Yahwe Mungu wetu, nitatafuta mema kwa ajili yako.

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.