Zaburi 128

¹ Amebarikiwa kila mtu amchaye Yahwe, atembeaye katika njia zake.

² Kazi ya mikono yako, wewe utaifurahia; utabarikiwa na kufanikiwa.

³ Mke wako atakuwa kama mzabibu uzaao katika nyumba yako; wanao watakuwa kama miche ya mimea ya mizeituni wakaapo kuzunguka meza yako.

⁴ Ndiyo, hakika, mtu anaye muheshimu Yahwe atabarikiwa.

⁵ Mungu na akubariki toka Sayuni; na uweze kuona mafanikio ya Yerusalemu siku zote za maisha yako.

⁶ Uishi uwaone wana wa wanao. Amani iwe na Israli.

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.