Zaburi 129

¹ “Mara nyingi tangu ujana wangu wamekuwa wakinishambulia,” Israeli na iseme.

² “Mara nyingi tangu ujana wangu wamekuwa wakinishambulia, lakini hawajanishinda.

³ Wakulima wamekuwa wakilima mgonngoni kwangu; wametengeneza matuta yao marefu.

⁴ Yahwe ni mwenye haki; amezikata kamba za waovu.”

⁵ Wote waaibishwe na kurudishwa nyuma, wale wachukiao Sayuni.

⁶ Na wawe kama nyasi juu ya paa ambayo hunyauka kabla hayajakua,

⁷ ambayo hayawezi kujaza mkono wa mvunaji wala kifua cha mfunga miganda.

⁸ Wale wapitao karibu wasiseme, “Baraka za Mungu na ziwe juu yako; Tunakubariki katika jina la Yahwe.”

Open in the app to highlight, add notes, listen and ask Faith about this chapter.

Creative Commons Attribution-ShareAlike (CC BY-SA 4.0). Source: eBible.org.